De Werner Momsen siene Soloshow op Platt

- Großes Haus
um 19.30 Uhr

Werner Momsen, Klappmuul-Komiker ut Hamborg, is anners as de annern. He is een Popp. De Huut is ut Polypropylen, de Hoor ut Polyacryl un dor ünner nix as Schuumstoff. Von Geburt an al Sondermüll, dat is keen licht Leven! He kann dat over utholen. He is „fremdbestimmt“, un doch faken ook freer as de, de achtern in em binnen stecken deit. Denn Werner kann Saken moken un seggen, de bloß he seggen dröff. Un dorbi seggt he meist dat, wat he denkt, bevör he denken deit, wat he seggt. Un wenn he veel denken deit, denn singt he ook mol. Mit sien groden halven Verstand hett Werner Momsen bither noch jede Veranstaltung upmischt. Wo du een up laten kannst!

Weitere Informationen zu Werner Momsen erhalten Sie auch unter www.werner-momsen.de.